A

Məktəblilərin UNEC-in üstünlükləri barədə məlumatlandırılması layihə çərçivəsində Biznes və menecment fakültəsinin professor-müəllim heyəti ilə Bakı şəhəri 13, 42, 60, 189-190 nömrəli məktəb-lisey şagirdləri arasında görüş keçirilmişdir.

Görüşlərdə “Ticarət və gömrük işinin təşkili” kafedrasının müdiri Arif Şəkərəliyev, dosent Pikəxanım Xudiyeva, “Menecment” kafedrasının müdiri, professor Kamil Şahbazov, Riyaziyyat kafedrasının müdiri, professor Natiq Əhmədov və “Biznesin idarəedilməsi” kafedrasının baş müəllimi Vəli Həziyev, baş müəllim Hicran Muradova iştirak etmişlər.

Görüşdə qeyd edilib ki, UNEC-in məqsədi ölkənin ən savadlı gənclərini cəlb etməklə, yüksək ixtisas biliklərinə sahib kadrlar hazırlamaqdır. Bu məqsədlə UNEC professor-müəllim heyətinin hər il qəbul imtahanları zamanı ən yüksək nəticələr göstərmiş orta məktəblərə səfərləri təşkil edilir. Görüşlər zamanı yuxarı sinif şagirdləri UNEC-in üstünlükləri barədə məlumatlandırılıblar.

Məktəbliləri ən çox maraqlandıran məqamlar sırasına UNEC-də tədris edilən ixtisaslar, xarici ölkələrlərin aparıcı universitetləri ilə mübadilə proqramları, elektron universitet modeli, təqaüd imkanları kimi məsələlər daxil olub.

Şagirdlərə bildirilib ki, UNEC iqtisadiyyat və biznes profili üzrə Azərbaycanın ən böyük, Şərqi Avropa və Mərkəzi Asiyanın isə 4-cü universitetidir. UNEC-də tamamilə elektronlaşdırılmış tədris Azərbaycan, ingilis, rus və türk dillərində aparılır. Tələbələr Beynəlxalq İqtisadiyyat Məktəbində ingilis dilində, Rus İqtisad Məktəbində rus dilində, Türk Dünyası İşlətmə fakültəsində isə türk dilində təhsil ala bilirlər.

Bütün auditoriyalarımız elektron tribuna və proyektorlarla təchiz edilib. Tələbə və müəllimlər tədris resurslarını elektron kabinetlərindən əldə edə bilirlər. Müəllimlərin dərs zamanı istifadə etdikləri təqdimatlar, testlər, mühazirə mətnləri və digər faydalı resursları tələbələr öz elektron kabinetlərindən yükləyə bilirlər. Dərslərdə tələbələrin qiymətləndirilməsi elektron jurnal vasitəsilə aparılır. İmtahan prosesi də elektronlaşdırılmış platforma bazasındadır və tələbələr qiymətləndirməni buradan izləyə bilirlər. Əgər tələbələrin imtahan nəticəsindən hər hansı narazılığı olarsa, o zaman tələbə müraciətini öz elektron kabinetindən ünvanlayaraq daha operativ cavab ala bilir.

600 və yuxarı bal toplayaraq UNEC-ə qəbul olan tələbələrə əlavə olaraq bir semestr boyunca aylıq 100 AZN həcmində xüsusi təqaüd verilir. Bundan başqa semestrin yekun nəticəsinə görə hər kurs üzrə ən yüksək nəticə göstərmiş 15 tələbəyə universitet hesabına ikinci əlaçı təqaüdü verilir.

Universitet Daxili İkili Diplom (UDİD) proqramı UNEC tələbələrinə 4 il ərzində 2 ixtisas üzrə 2 diplom əldə etmək şansı yaradır. Proqrama qoşulan tələbələr iki ixtisasa yiyələnməklə gələcəkdə əmək bazarında layiqli yer tutmaq və onun tələblərinə çevik uyğunlaşmaq imkanı əldə edəcəklər.

UNEC beynəlxalq əməkdaşlıq sahəsində də tələbələrə böyük imkanlar vəd edir. Avropa universitetləri ilə “Erasmus+”, Türkiyə universitetləri ilə “Mevlana” mübadilə proqramlarından tələbələrimiz maksimum yararlanmaq imkanına sahibdirlər. Mübadilədə iştirak edən tələbələrin xərcləri proqram tərəfindən qarşılanır. Avropanın iqtisadyönümlü ən nüfuzlu ali təhsil ocağı olan London Universiteti/London İqtisadiyyat Məktəbi ilə əməkdaşlıq çərçivəsində LSE diplomunu UNEC-də əldə etmək mümkündür. Fransanın nüfuzlu Monpelye Universiteti ilə həyata keçirilən ikili diplom proqramına uyğun olaraq tələbələrimiz 4 illik təhsilin bir ilini Fransada alaraq, həm UNEC, həm də Monpelye Universitetinin diplomunu əldə edə bilirlər. Bundan başqa Litvanın Mykolas Romeris Universiteti ilə də ikili diplom proqramı da mövcuddur. ABŞ-ın nüfuzlu ali təhsil müəssisəsi olan Linkoln Universiteti ilə də ikili diplom proqramına dair razılıq əldə olunmuşdur və tələbələrimiz bu proqramdan da yararlana biləcəklər.

London Universiteti/London İqtisadiyyat Məktəbi

TOP XƏBƏRLƏR