“Made in Azerbaijan” müsabiqəsinin qalibi bəlli olacaq

Azərbaycan Respublikası Təhsil Nazirliyi, Azərbaycan Respublikası Gənclər və İdmanNazirliyi, “Kapital Bank” ASC, Azərbaycan Dövlət İqtisad Universiteti (UNEC), İnnovativ Biznes-İnkubatorun birgə təşkilatçılığı ilə tələbələr arasında keçirilən “Made in Azerbaijan” biznes ideya müsabiqəsinin qalibi müəyyən ediləcək.

Tədbirdə 7 finalçı biznes ideyalarını təqdim edəcək və münsiflər heyəti 3 qalibi seçəcək. Biznes ideyalar beş meyar üzrə qiymətləndiriləcək:

• Orijinal və kreativ yanaşma;
• Biznes ideyanın tətbiqinin mümkünlüyü;
• Məhsulun (xidmətin) brendləşmə perspektivi;
• Biznes ideyanın investisiya cəlbediciliyi;
• Biznes ideyanın təqdimatı və sualların cavablandırılması.

“Made in Azerbaijan” biznes ideya müsabiqənin münsiflər heyəti:

1. Cəsarət Valehli - Təhsil Nazirliyinin İctimaiyyətlə əlaqələr sektorunun müdiri
2. Akif Fərruxov - AR İqtisadiyyat Nazirliyinin Bakı Biznes Tədris Mərkəzinin direktoru
3. Rüstəm Abdullayev - AR Gənclər və İdman nazirliyinin sosial proqramlar sektor müdiri
4. İqbal Rüstəmov - Kapital bankın Pərakəndə Bankçılıq departamentinin direktoru
5. Elnur İsayev - NTS şirkətinin direktoru
6. Məhəmməd Cəmilov - UNEC rektorun məsləhətçisi
7. Mircavid Həsənov - UNEC İBİ-nin direktoru

Final mərhələsi aprelin 22-də, saat 15:00-da UNEC-in əsas tədris binasında keçiriləcək.