Azərbaycan Dövlət İqtisad Universitetinin (UNEC) tələbələri ölkədə ilk dəfə keçiriləcək “İB Gənclər Festivalı”na qatılacaqlar. Tədbir iyunun 25-də “Gənclərin İntellektual İnkişafına Yardım” İctimai Birliyi, “İB Club”, Gənclərin İnkişaf Mərkəzi və Neftçi Peşəkar Futbol Klubunun təşkilatçılığı, YAP Gənclər Birliyi və “ASAN Könüllüləri” Təşkilatının dəstəyi ilə keçiriləcək.Festivalın keçirilməsində məqsəd uğurla aparılan gənclər siyasətinə dəstək olmaqdır. Festivalda gənclər gün ərzində müxtəlif oyunlar keçirərək əylənəcəklər. Həmçinin tanınmış yazıçı, dövlət xadimi, idmançı və digər məşhurlar gənclərlə öz uğur hekayələrini bölüşəcəklər. “Bakcell Arena” stadionunda təşkil olunan tədbirə 11001 gəncin cəlb olunması gözlənilir.
UNEC tələbələri festivala qatılacaq
