UNEC-in ötən tədris ilində ən fərqli və maraqlı layihələrindən olan “Bir müəllim-Bir tələbə” debatına yenidən start verilir.
İqtisadiyyat fakültəsinin Tələbə Elmi Cəmiyyətinin təşkilatçılığı ilə keçirilən debat “Azərbaycan iqtisadiyyatı 27 il: Uğurlarımız və hədəflərimiz” mövzusuna həsr olunacaq. Debatı “İqtisadiyyatın tənzimlənməsi” kafedrasının gənc müəllimi, “İqtisadçı” tələbə elmi dərnəyinin rəhbəri Zeynəb Qiyasova və İqtisadiyyat fakültəsi II kurs tələbəsi Səma Namazova aparacaq.
“Bir müəllim-Bir tələbə” debatı 17 oktyabr 15:00-da UNEC-in II tədris binasında (Həsən Əliyev küç. 135) keçiriləcək. Tələbələr debatda iştirak edə və müzakirələrə qoşula bilərlər.
Layihə UNEC-in “Strateji yol xəritələrinin icrasına dair tədbirlər planı” çərçivəsində həyata keçirilir.
