A

Azərbaycan Respublikasının Auditorlar Palatası daxili auditor kadrlarının hazırlanması üzrə növbəti hazırlıq kurslarını təşkil edir.

 Ölkəmizdə uğurla həyata keçirilən şəffaflıq strategiyasının daha da sürətləndirilməsində  müəssisə və təşkilatlarda risklərin idarə olunması, nəzarət və korporativ idarəetmə proseslərinin qiymətləndirilməsi və səmərəliliyinin yüksəldilməsi məqsədlərinə xidmət edən daxili auditin tətbiqinin genişləndirilməsi mühüm əhəmiyyət kəsb edir.

Bunu nəzərə alaraq Azərbaycan Respublikasının Auditorlar Palatası daxili auditor kadrlarının hazırlanması üzrə hazırlıq kurslarını davam etdirir. Növbəti kurslar 2018-ci ilin 25 iyun tarixindən 11 iyul tarixinədək “Daxili Auditin planlaşdırılması” proqramı əsasında  keçiriləcək. Hazırlıq kursları Ali Audit Qurumlarının Beynəlxalq Sertifikatlı mütəxəssisi, Dempinq və haqsız rəqabətə qarşı mübarizə üzrə Komitənin sədri, sərbəst auditor Fətiyev Üzeyir Cəmil oğlu tərəfindən tədris ediləcək. Kursu müvəffəqiyyətlə bitirən iştirakçılara sertifikatlar təqdim ediləcək.

Kursda iştirak ödənişlidir.

Daxili auditor kurslarında iştirak etmək istəyən şəxslər aşağıdakı sənədləri təqdim etməlidirlər:

- Kurslarda iştirak etmək üçün müəyyən olunmuş formada yazılmış ərizə;
- Şəxsiyyət vəsiqəsinin surəti.

Əlaqələndirici şəxs: Kadr hazırlığı və ictimaiyyətlə əlaqə şöbəsinin müdir müavini Aytən Seyidəliyeva (Bu email ünvanı spambotlardan qorunur. Onu görmək üçün JavaScripti qoşmaq lazımdır.).
Ünvan: S.Y. Bakuvi küç., 35; əlaqə telefonları: (012) 564-80-62; 055-866-44-29.
Qeydiyyat üçün son tarix: 2018-ci il 22  iyun.

London Universiteti/London İqtisadiyyat Məktəbi

TOP XƏBƏRLƏR