A

Bakı məktəblilərinin “UNEC-də bir gün” layihəsinı marağı artır.

UNEC-in budəfəki bir günlük tələbələri Xətai rayonundakı 95 saylı məktəbin şagirdləri olub.

Şərti tələbə biletləri təqdim olunan məktəblilər öncə UNEC-də infoturda olub. Onlar oxu zalı, kitabxana, imtahan zalı, Radio UNEC-lə tanış olublar. Bir günlük tələbələrə fakültələr, ixtisaslar, xüsusi təqaüd və mübadilə proqramları, universitetin filialları haqqında ətraflı məlumat verilib. UNEC-in dünyanın qabaqcıl univeristetləri olan London Universiteti/London İqtisadiyyat Məktəbi və Fransanın Monpelye Universiteti ilə əməkdaşlıq etdiyi diqqətə çatdırılıb. Bildirilib ki, UNEC tələbələrə Avropanın hər iki nüfuzlu universitetinin bakalavr diplomunu əldə etmək şansı yaradır. Görüşdə UNEC-də dərs və imtahanların ictimaiyyətə açıq keçirildiyi də vurğulanıb.

Maliyyə və mühasibat fakültəsinin dekan müavini Anar Hüseynov məktəblilərə fakültədəki ixtisaslar, tədris olunan fənlər, keçid balları barədə danışıb. Sonra bir günlük tələbələr Maliyyə və mühasibat fakültəsi və Beynəlxalq İqtisadiyyat Məktəbinin dərs cədvəli ilə tanış olublar. Onlar Azərbaycan və ingilis dilində seçim etdikləri fənləri dinləyiblər.

“UNEC-də bir gün” layihəsində iştirak etmək istəyənlər 497-58-63 telefon nömrəsinə zəng edə, yaxud UNEC-in rəsmi Facebook səhifəsi ilə əlaqə saxlaya bilərlər. 

London Universiteti/London İqtisadiyyat Məktəbi

TOP XƏBƏRLƏR