A

UNEC-in Zaqatala filialında “İslam həmrəyliyi və vətənpərvərlik” mövzusunda dəyirmi masa keçirilib.

Tədbirdə Zaqatala filialının professor-müəllim heyəti və tələbələrlə birlikdə Zaqatala rayon İcra Hakimiyyətinin nümayəndəsi İlqar Vəliyev, Dini qurumlarla iş üzrə dövlət komitəsinin Zaqatala bölgəsi üzrə şöbə müdiri Mehman İsmayılov da iştirak edib.

Filialın direktoru, professor Orucəli Rzayev bildirib ki, Prezident İlham Əliyev tərəfindən Azərbaycanda tolerantlığın qorunması naminə böyük addımlar atılır. Ölkəmiz dini tolerantlıq mövzusuda beynəlxalq tədbirlərə ev sahibliyi edir, mədəniyyətlərarası dialoq və sivilizasiya mərkəzinə çevrilir. O.Rzayev şüarı “Həmrəylik bizim gücümüzdür” olan IV İslam Oyunlarının müasir dünyada müxtəlif xalqları bir araya gətirərək, birlik və həmrəyliyin güclənməsində mühüm rol oynayacağını vurğulayıb.

Tədbirdə M.İsmayılov, “Ümumi fənlər” kafedrasının müdiri, dosent Həqiqət Qədimova “Mənəviyyat, mənəvi dəyərlər, mənəvi tərbiyə”, filialın müəllimi dosent Qüdrət Qırtımov “İslam və müasir həyat”, tələbələrdən Səfiyyə Orucova “İslam oyunları və gənclik”, Cəlal Gülməmmədli “Həmrəylik bizim gücümüzdür” mövzusunda məruzələrlə çıxış ediblər.

London Universiteti/London İqtisadiyyat Məktəbi

TOP XƏBƏRLƏR