A

Türkiyənin İsparta şəhərində Azərbaycan Dövlət İqtisad Universiteti, Süleyman Demirel Universiteti və Uluslararası Vizyon Universitetinin birlikdə təşkilatçılığı ilə VI Yerli İdarəetmə Tələbə Konqresi çərçivəsində I Beynəlxalq Yerli İdarəetmə Tələbə Konfransı keçirilib.

Üç gün davam edən konfransda UNEC Tələbə Elmi Cəmiyyətinin  sədri, İqtisadiyyat fakültəsinin III kurs tələbəsi Aslan Əzimzadə “Azərbaycanda yerli özünüidarəetmə orqanlarının maliyyə mənbələrinin müasir vəziyyəti və təkmilləşdirilməsi yolları”, Tələbə rektorMaliyyə və mühasibat fakültəsinin IV kurs tələbəsi Cabbar Huseynli “Azərbaycanda yerli idarəetmədə icra hakimiyyətlərinin rolu və onların maliyyəsi”, Beynəlxalq İqtisadiyyat Məktəbinin IV kurs tələbəsi Əntiqə İbadova “Qloballaşma və lokalizasiya”, Türk Dünyası İşlətmə fakültəsinin III kurs tələbəsi Zinyət Vəlixanova isə “Azərbaycandakı yerli idarəetmə orqanlarının Sovet dövrü ilə müqayisəsi” mövzusunda məruzə ilə çıxış ediblər. UNEC tələbəsi Zinyət Vəlixanova konfransın “Ən yaxşı məqalə” mükafatına layiq görülüb.

Konfrans çərçivəsində UNEC Tələbə Elmi Cəmiyyəti və Süleyman Dəmirəl Universiteti Siyasət və Yönetim Cəmiyyəti arasında memorandum imzalanıb. Sənədə əsasən, tərəflər gənclərin intellektual səviyyələrinin və onların elmi tədqiqata olan marağının artırılması ilə əlaqədar müştərək təlim, konfrans, konqres və digər elmi layihələr həyata keçirəcəklər.

 

London Universiteti/London İqtisadiyyat Məktəbi

TOP XƏBƏRLƏR