A

UNEC-də “Elm aylığı” davam edir.

Oktyabrın 27-də “Elm aylığı” çərçivəsində növbəti tədbir UNEC-in Zaqatala filialında keçirilib. Filialın direktoru, professor Orucəli Rzayev universitetdə pedaqoji heyətin və tələbələrin elmə marağının artırılması, onlarda elmi tədqiqat potensialının inkişaf etdirilməsi baxımından “Elm aylığı”nın əhəmiyyətindən danışıb.

UNEC-in Elm şöbəsinin müdiri, professor Zahid Məmmədov “Elm və təhsil sintezinin arxitekturası: UNEC təcrübəsi” mövzusunda məruzə ilə çıxış edib.Bildirib ki, elmi tədqiqatyönümlü universitetə çevrilməkdə iddialı olan ali təhsil müəssisələrinin əsas məhsulu onların elmi nəşrləri və məqalələrinin keyfiyyətidir. UNEC bu istiqamətdə çox uğurlu addımlar atır. Professor, UNEC-də Nobel mükafatçılarının iştirakı ilə mütəmadi olaraq beynəlxalq elmi konfranslar təşkil edildiyini, tədqiqatçıların stimullaşdırılması məqsədilə onların elmi fəaliyyətinin qiymətləndirilməsini müəyyən edən reytinq sisteminin tətbiq olunduğunu diqqətə çatdırıb. Nüfuzlu beynəlxalq informasiya agentliyi olan “Thomson Reuters”lə UNEC-in sıx əməkdaşlıq etdiyini, agentliyin dəstəyi ilə UNEC-də “Elmmetriya üzrə vəsait: elm və texnologiyanın inkişaf indikatorları” mövzusunda dərsliyin çap olunduğunu vurğulayıb.

Tədbirdə “Mühasibat uçotu və audit” kafedrasının müdiri, professor  Sifariz Səbzəliyev “Mühasibat uçotu və audit ixtisası üzrə fənlərin tədrisi məsələləri”ndən danışıb. Bildirib ki, kafedranın proqram və tədris-metodik vəsaitlərində Maliyyə Hesabatlarının Beynəlxalq Standartları və Milli Mühasibat Uçotu Standartlarının konseptual əsasları ilə bağlı əsas müddəalar nəzərə alınıb. Kafedrada regionun sosial-iqtisadi inkişafının qarşısında duran vəzifələr, onun milli və regional istiqamətdə maliyyə və uçot problemlərinin həlli yolları istiqamətində elmi işlər aparılır, onun inkişaf etdirilməsi istiqamətləri üzrə mütəxəssis hazırlığı həyata keçirilir.

Məruzələr dinlənildikdən sonra UNEC-in Zaqatala filialında “Müasir dövrdə Azərbaycanın sosial-iqtisadi inkişafı strateji yol xəritələrinin əsas istiqamətləri konteksində” keçirilən konfransda fərqlənən professor-müəllim və tələbələr fəxri fərmanla təltib edilib.

 

VİDEO

London Universiteti/London İqtisadiyyat Məktəbi

TOP XƏBƏRLƏR