A

UNEC-də ənənəvi olaraq hər il təşkil olunan “Elm aylığı” çərçivəsində Rus İqtisad Məktəbində (RİM) elmi seminarlar keçirilib.

Seminarda Rus İqtisad Məktəbinin direktoru, dosent Mənsur Bərxudarov “Azərbaycan iqtisadiyyatının inkişafının strateji yol xəritəsi xarici iqtisadi fəaliyyət kontekstində” mövzusunda məruzəsi edib. RİM direktoru strateji yol xəritəsinin ümumi parametrlərini açıqlayaraq, onların xarici iqtisadi fəaliyyətə təsirlərini təhlil edib.

Növbəti elmi seminar RİM Tələbə Elmi Cəmiyyətinin təşəbbüsü ilə “Milli iqtisadi inkişaf modeli: dünya təcrübəsi və Azərbaycan” mövzusunda olub. RİM nəzdində  “İqtisadiyyat”

kafedrasının müdiri, professor Müslüm İbrahimov məruzəsində iqtisadi inkişaf sürəti baxımından ölkəmizin bir çox parametrlərinə görə inkişaf etmiş ölkələr sırasında yer aldığını bildirib. İqtisadi inkişafın Azərbaycan modelinin formalaşması və inkişafı nəticəsində respublikanın sosial-iqtisadi inkişaf trayektoriyasının perspektivli olduğunu vurğulayıb.

Seminarlarda mövzular barədə fikir mübadilələri aparılıb, suallar cavablandırılıb.

London Universiteti/London İqtisadiyyat Məktəbi

TOP XƏBƏRLƏR