A

Bu gün UNEC-də rektor professor Ədalət Muradovun iştirakı ilə “Mühasibat uçotu və audit”, "Biznesin idarə edilməsi" və  “İqtisadiyyat” (rus dilində) kafedrasının “Mühasibat uçotu” və "Marketinq" fənlərini tədris edən əməkdaşları üçün yeni sillabus əsasında təlimlər keçmiş müəllim heyətinə sertifikatların verilməsi mərasimi keçirilmişdir. 

Tədbirin açılışı zamanı rektor, professor Ədalət Muradov inkişaf üçün hərəkətin və istiqaməti düzgün müəyyən etməyin zəruri olduğunu vurğuladı. UNEC qarşıya qoyulmuş hədəflərə nail olmaq üçün zəruri potensiala sahibdir, lakin bu potensialın artırılması böyük əhəmiyyətə malikdir. Məhz bu məqsədlə UNEC-də mütəmadi olaraq müəllim heyəti üçün peşəkar təlimlər keçirilir, yay və qış məktəbləri təşkil olunur.

Bu il qış məktəbində müəllim heyətimizə Türkiyədən və İngiltərənin Kembric Universitetindən təlimçilər dəvət olunacaq. Həmçinin, müəllimlərimizin peşəkarlıq səviyyəsinin artırılması məqsədi ilə bu il Türkiyəyə heyətin göndərilməsi nəzərdə tutulmuşdur. Eyni zamanda, UNEC-ə istedadlı gənc müəllimlərin cəlb edilməsi prosesi həyata keçirilir, Gənc alimlər şurası yaradılmışdır. Qeyd edildi ki, UNEC müəllim heyətinin xarici dil səviyyəsinin daha da artırılması məqsədi ilə “British Council”da əməkdaşlarımız üçün akademik ingilis dili kurslarının təşkili nəzərdə tutulub.

Tədbir çərçivəsində təlimlərdə iştirak etmiş müəllim heyətinə sertifikatlar təqdim edilmişdir. 

London Universiteti/London İqtisadiyyat Məktəbi

TOP XƏBƏRLƏR