Azərbaycan Dövlət İqtisad Universitetinin (UNEC) tələbələrindən ibarət qrup Qafqaz Tufandag Mountain Resort Hotelin icraçı meneceri Resul Erciyasın dəvəti ilə Qəbələ rayonunda “Tufandağ” Qış-Yay Turizm İstirahət Kompleksində keçirilən təlimlərdə iştirak ediblər.
“Sosial sferanın iqtisadiyyatı və idarə olunması” kafedrasının müəllimi Yalçın Köçərlinin rəhbərliyi ilə İqtisadiyyat fakültəsinin “Turizm və otelçilik” ixtisası üzrə II və III kurs tələbələrinin iştirak etdiyi təlimlərdə otellərin menecmenti üzrə maraqlı müzakirələr aparılıb. Hotelin icraçı meneceri Resul Erciyas və bölmə rəhbərləri 5 ulduzlu oteldə minimum xidmət standartları, otel nömrələrinin standartları, dağ-xizək kompleksləri, kanat yolları, spa mərkəzləri və kadrların otelin iqtisadi səmərəliliyinin yüksəldilməsinə təsiri haqqında məlumat veriblər.
Təlimlərin sonunda UNEC tələbələrinin istehsalat təcrübələrinin Qafqaz Tufandag Mountain Resort Hotelində keçirilməsi üçün otel rəhbərliyi ilə razılıq əldə olunub.
Oteldə ustad dərsləri və praktiki dərslərin keçirilməsi UNEC-lə Mədəniyyət və Turizm Nazirliyinin əməkdaşlığı çərçivəsində həyata keçirilən tədbirlər planına uyğun reallaşdırılıb.
!["Sosial mediada şəxsi brendinqin formalaşdırılması" adlı təlim keçirilib](/images/esas_TEC.jpg ""Sosial mediada şəxsi brendinqin formalaşdırılması" adlı təlim keçirilib")
![Yeni layihə: "UNEC alimlərindən kitab tövsiyələri"](/images/44.jpg "Yeni layihə: "UNEC alimlərindən kitab tövsiyələri"")
