UNEC-in Rus İqtisad Məktəbində (RİM) Azərbaycan Skautlar Assosiasiyasının (ASA) nümayəndələri ilə görüş keçirilib.
ASA-nın koordinatoru Rza Məmmədzadə tələbələrə Dünya Skaut Hərəkatı Təşkilatı və Azərbaycan Skautlar Assosiasiyası barədə ətraflı məlumat verib, təşkilatın məqsəd və prinsiplərini açıqlayıb. ASA-nın nümayəndəsi Lalə Abdullayeva isə təşkilatın təlimlərindən söz açıb. Təlimlərin əsasən atçılıq, atıcılıq, dağçılıq, oxatma, tonqal, səmti müəyyənetmə, ilk tibbi yardım istiqamətlərində olduğunu vurğulayıb. Bildirib ki, ASA-nın üzvləri həmçinin beynəlxalq tədbir və konfranslarda ölkəmizi layiqincə təmsil edirlər.
RİM-in direktoru, dosent Mənsur Barxudarov gənclərin asudə vaxtlarının səmərəli keçirilməsi, idmana maraqlarının daha da artması, eyni zamanda onlara ekstremal vəziyyətlərdən çıxış vərdişlərinin aşılanması baxımından ASA-nın fəaliyyətini yüksək qiymətləndirib.
Görüş zamanı Rus İqtisad Məktəbində ASA-nın nümayəndəliyinin açılması qərara alınıb.
!["Sosial mediada şəxsi brendinqin formalaşdırılması" adlı təlim keçirilib](/images/esas_TEC.jpg ""Sosial mediada şəxsi brendinqin formalaşdırılması" adlı təlim keçirilib")
![Yeni layihə: "UNEC alimlərindən kitab tövsiyələri"](/images/44.jpg "Yeni layihə: "UNEC alimlərindən kitab tövsiyələri"")
