Azərbaycan Dövlət İqtisadiyyat Universiteti (UNEC) SABAH qruplarının “Maliyyə” ixtisasının 2019-cu il məzunları Elnur Namazov və Turqay Hüseynli Macarıstanda onlayn keçirilən CFA Research Challenge yarışında II yerə layiq görülüblər.
Məzunlarımız Macarıstan magistr proqramı çərçivəsində Budapeşt şəhərində yerləşən Korvinus universtetində (Corvinus University of Budapest) magistr təhsili alırlar. Bu səbəbdən onlar məhz CFA Research Challenge yarışının Macarıstanda keçirilən müsabiqəsində iştirak ediblər.
Yarışın məqsədi tələbələrin maliyyə təhlili və professional etika üzrə intensiv hazırlığının artırılması, onların analitik və qiymətləndirmə, hesabat hazırlama və təqdimetmə bacarıqlarının müəyyən olunmasıdır.
Yarışmanın sonunda məzunlar hər biri 30000 forint, Media Markt vauçeri +30k nağd və "CFA level 1" təqaüd sertifikatını qazanıblar.
Məzunlarımızı təbrik edirik, onlara yeni-yeni uğurlar arzulayırıq!
