Azərbaycan Dövlət İqtisad Universitetində (UNEC) SABAH tələbələri ilə SABAH İcra Komitəsinin rəhbəri Şahin Seyidzadə ilə görüşü keçirilib.
SABAH İcra Komitəsinin rəhbəri ilk olaraq SABAH layihəsində gözlənilən yeniliklər barədə tələbələrə ətraflı məlumat verib.Daha sonra tələbələrinin təklifləri dinlənilib, sualları cavablandırılıb. Şahin Seyidzadə əlavə dərslərin təşkili, digər universitetlərdən gələn tələbələrin fənn, kredit fərqləri haqda və digər mövzularda suallarını cavablandırıb.UNEC-in tələbələrlə iş üzrə prorektoru Səadət Qəndilova və SABAH Mərkəzinin rəhbəri Aida Quliyeva da görüşdə iştirak edib.
