A

 

UNEC (Azərbaycan Dövlət İqtisad Universiteti) rektoru, professor Ədalət Muradov  Beynəlxalq Valyuta Fondu (BVF) və Dünya Bankının (DB) birgə dəvətilə bu iki nüfuzlu təşkilatın illik toplantısında iştirak edib. Serbiya, Bosniya və Herseqovina, El-salvador, İordaniya, Anqola, Kot d`İvuar, Myanmar, İndoneziya, Kolumbiya və Azərbaycandan dəvət olunan akademik dairənin nümayəndələri üçün xüsusi proqrama uyğun olaraq BVF-nin icraçı direktoru K.Laqard (Christine Lagarde), Dünya Bankı Qrupunun direktoru J.Kimin (Jim Yong Kim) iştirakı ilə bir sıra müzakirələrə qatılmışlar.

Oktyabrın 7-də isə BVF və DB-nin baş tutan illik toplantısını Ümumdünya Ticarət Təşkilatının baş katibi R.Azevedo açaraq bildirib ki, qlobal iqtisadi artım tempinin azalması ilə bərabər ticarətdə maneələr artmış, proteksionizm güclənmişdir. Bununla yanaşı, inkişaf etmiş ölkələrdə iqtisadi artım qeyri-barəbər bölünmüşdür. O bildirmişdir ki, ilin sonuna qədər imzalanacağı gözlənilən Ticarətə Yardım Sazişi (Trade Facilitation Agreement) inkişafda olan bir sıra ölkələrin ticarət xərclərini 15 faizə qədər azaldacaq.

BVF-in İcraçı direktoru K.Laqard, BVF yaradıcılarından olan C.Keynsden (John Maynard Keynes) “bir çox hallarda çağırış yeni ideyaların inkişafından daha çox köhnə ideyalardan uzaqlaşmaqdan ibarətdir” sitatını gətirdi və əsas prioritetlər kimi “dəyişən BVF və dəyişən dünya”, müasir texnologiyaların vacibliyindən danışaraq rəqəmsal əsrə doğru inkişafı, inkluziv iqtisadi artımı təmin edən siyasəti və beynəlxalq əməkdaşlığı ön plana çəkdi.

Dünya Bankının prezidenti J.Kim DB-nin əsas məqsədinin dünyada mütləq yoxsulluğun aradan qaldırılması olduğunu vurğuladı, inkluziv, dayanıqlı və daha yüksək artım tempinin təmin edilməsi üçün daha böyük əməkdaşlığın təmin edilməsinin vacibliyini qeyd etdi. Eləcə də, infrastruktur layihələrinin reallaşdırılmasının davam etdirilməsinin əhəmiyyətini bildirdi.

Eləcə də səfər çərçivəsində çoxlu müzakirələrdə iştirak edən rektor, BVF-in Azərbaycan üzrə Missiya rəhbəri Məhəmməd Əl Qorçi ilə görüşmüş və onunla fikir mübadiləsi aparılmışdır. Azərbaycan Respublikasının Prezidenti İlham Əliyevin rəhbərliyi altında həyata keçirilən iqtisadi islahatlar haqqında ətraflı məlumat verilmiş, BVF-in elektron kitabxanasına sərbəst çıxış imkanlarının yaradılması, BVF ilə UNEC-in birgə tədqiqatlar aparılması, konfransların, seminarların, dəyirmi masaların təşkili təklif edilmişdir. Azərbaycan Respublikasının Prezidenti cənab İlham Əliyev tərəfindən həyata keçirilən islahat tədbirləri M.Qorçi tərəfindən yüksək qiymətləndirilmişdir.

 

London Universiteti/London İqtisadiyyat Məktəbi

TOP XƏBƏRLƏR