A

Azərbaycanda Novruz çərşənbələrindən sonuncusu, Torpaq çərşənbəsi qeyd olunur. Bu münasibətlə UNEC-in Biznes və menecment fakültəsinin təşkilatçılığı ilə universitetin IV tədris binasında bayram şənliyi təşkil edilib.

Biznes və menecment fakültəsinin dekanı, dosent Mirağa Əhmədov UNEC-in rektoru, professor Ədalət Muradov adından xalqımızın zəngin mədəniyyətini, milli-mənəvi dəyərlərini özündə əks etdirən Novruz Bayramı münasibəti ilə professor-müəllim heyətini, tələbələri və qonaqları təbrik edib.Türk Dünyası İşlətmə fakültəsinin dekanı Ferrux Tuzcuoğlu Novruzun həm də türk xalqlarının həmrəylik bayramı olduğunu bildirib.

UNEC-in əcnəbi tələbəsi Adina Adeili Bahar bayramının möhtəşəmliyinə heyran olduğunu bildirərək, Novruz simvollarını çox sevdiyini qeyd edib. Çin vətəndaşı Azərbaycanın tolerant ölkə olduğunu vurğulayaraq, burada təhsil almaqdan məmnun qaldığını ifadə edib.Novruz şənliyində UNEC Yaradıcılıq Mərkəzinin üzvləri musiqi nömrələri səsləndirib, şeirlər ifa ediblər. Tədbirdə həmçinin tanınmış aşıq Ədalət Dəlidağlı ilə şairə Çığatel İsaqızı da çıxış ediblər.

Sonda müxtəlif ixtisaslar üzrə təhsil alan tələbələr arasında xonça müsabiqəsi keçirilib. Menecment ixtisasında təhsil alan tələbələr yarışmanın qalibi olublar. Biznesin idarəedilməsi ixtisasında təhsil alan tələbələr II, marketinq və kommersiya ixtisaslarından təhsil alan tələbələr isə III yerə layiq görülüblər. Qaliblərə diplomlar təqdim edilib. 

London Universiteti/London İqtisadiyyat Məktəbi

TOP XƏBƏRLƏR