Azərbaycan Respublikasının Prezidenti yanında Bilik Fondunun təşəbbüsü ilə UNEC-də “İslam həmrəyliyi ili” və “Bilik Günü”nə həsr edilən görüş keçirilib. Tədbir 2017-ci ilin Azərbaycan Respublikasında “İslam Həmrəyliyi İli” elan edilməsinə dair Tədbirlər Planından irəli gələn vəzifələri təmin etmək məqsədi ilə təşkil edilib.
Tədbirdə iştirak edən Şərqşünaslıq İnstitutunun direktor müavini, AMEA-nın həqiqi üzvü, akademik Şahin Mustafayev UNEC tələbələrinə “Heydər Əliyev İslam həmrəyliyi ideyasının banisidir” mövzusunda məruzə ilə çıxış edib.
Akademik UNEC tələbələrinə Ulu Öndər Heydər Əliyevin yenidən hakimiyyətə qayıdışından sonra dövlət-din münasibətlərinin tənzimlənməsi istiqamətində mühüm tədbirlər həyata keçirdiyini bildirib. Ulu Öndərin dini dəyərlərin qorunmasına xüsusi önəm verdiyini bəyan edən akademik, Heydər Əliyevin İslam dəyərlərini xalqımızın milli sərvəti kimi qiymətləndirdiyini diqqətə çatdırıb.
Mühazirəçi Prezident İlham Əliyevin dövlət-din münasibətlərində də Ulu Öndərin yaratdığı ənənəni uğurla davam etdirdiyini bildirib.
Sonda tələbələri maraqlandıran suallar cavablandırılıb.
![Yeni layihə: "UNEC alimlərindən kitab tövsiyələri"](/images/44.jpg "Yeni layihə: "UNEC alimlərindən kitab tövsiyələri"")
