UNEC Multikulturalizm Mərkəzinin rəhbəri, prof. Məhəbbət Paşayeva Qarabağda alban xristian abidələrinin tədqiqi və təbligi çərcivəsində Laçın rayonuna səfər edib.
Azərbaycan Respublikası Dini Qurumlarla İş üzrə Dövlət Komitəsinin və Azərbaycan Alban Udi icmasının təşkilatçılığı ilə baş tutan səfərdə Dini Qurumlarla İş üzrə Dövlət Komitəsinin sədr müavini Gündüz İsmayılov, Alban Udi icmasının sədri Robert Mobili, Cotari, Xudavəng alban kilsələrinin vaizi Rafik Danakari, Alban Udi İcmasının üzvləri, Fransa, İngiltərə, Yaponiya, Rusiya, Türkiyə və digər xarici ölkələrin və ölkə mətbuatının nümayəndələri olub.
Səfər zamanı professor Məhəbbət Paşayeva Azərbaycanın alban xristian mirası, alban məbədlərinin erməniləşdirilməsi, xüsusilə də Ağoğlan məbədindəki erməni saxtakarlığı, məbədin bugünkü görüntüsünün ermənilər tərəfindən dəyişdirilməsi faktları ilə bağlı AZTV, İctimai TV, AZƏRTAC və digər yerli və beynəlxalq mətbuata müsahibə verib. Ağoğlan monastrının xristianlıqdan öncəki dövrə qədərki tarixi, bu qədim ibadətgahın Laçın əhalisi tərəfindən hər zaman pir yeri kimi ziyarət edilməsi barədə danışıb.
![Yeni layihə: "UNEC alimlərindən kitab tövsiyələri"](/images/44.jpg "Yeni layihə: "UNEC alimlərindən kitab tövsiyələri"")
