“Əsirlikdə bir gün” tamaşasının yaradıcı heyəti təltif olunub

UNEC-in rektoru, professor Ədalət Muradov UNEC Yaradıcılıq Mərkəzinin üzvləri ilə görüşüb.

Rektor Xocalı soyqırımına həsr edilən “Əsirlikdə bir gün” tamaşası barədə danışıb. Tələbə-aktyorların obrazları yüksək peşəkarlıqla canlandırdıqlarını yüksək qiymətləndirib. Ə.Muradov hər bir savadlı insanın eyni zamanda da vətənpərvər olmasının vacib amil olduğunu vurğulayıb: “Bu sahədə xüsusi bir dərslik yoxdur. Vətənpərvərlik hissi ancaq müsbət nümunələrlə formalaşa bilər. Vətənpərvər müəllim bu sahədə tələbəyə ən yaxşı örnəkdir”.

Görüşdə UNEC Yaradıcılıq Mərkəzinin digər universitetlərin yaradıcılıq mərkəzləri ilə əməkdaşlıq imkanları müzakirə edilib.

Sonda Yaradıcılqı Mərkəzinin direktoru Elman Cəfərov, bədii rəhbər Əfsanə Məmmədova və tamaşada iştirak edən tələbə-aktyorlar UNEC-də keçirilən “Xocalı həftəsi”ndə fəal iştirakına görə Fəxri Fərmanla təltif ediliblər.