UNEC-in Zaqatala filialının professor-müəllim heyəti üçün distant təlimlər keçirilib.
UNEC Eksterndə təşkil olunan təlimin məqsədi tədris materiallarının keyfiyyətinin yüksəldilməsi, müasir standartlara uyğun hazırlanması və filialın professor-müəllim heyətinin Elektron Universitet modelindən istifadə qaydaları barədə biliklərinin daha da artırılması olub.
UNEC-in Tədrisin keyfiyyətinə nəzarət şöbəsinin təşəbbüsü ilə keçirilən təlimləri TKQİM-in direktor müavini, dosent Söhrab İsayev, “Rəqəmsal iqtisadiyyat və İKT” kafedrasının dosenti Təranə Əliyeva və “Elekrton universitet” şöbəsinin böyük mütəxəssisi Qumral Hüseynova keçiblər.
Maraqla izlənilən təlimin yekununda Zaqatala filialının professor-müəllim heyətinin sualları cavablandırılıb.
