UNEC-in bakalavr, magistr və doktorantları Türkiyənin Niğde Ömer Halisdemir Universitetində yaz semestrində mübadilədə iştirak edə bilərlər. Mübadilə universitetlərarası əməkdaşlıq müqaviləsi əsasında həyata keiriləcək.
Mübadilədə iştirak etmək istəyənlər aşağıdakı tələblərə cavab verməlidir:
- Minimum orta bal tələb olunan səviyyədə olmalı (bakalavr 75, magistr 80);
- Tələbənin akademik borcu olmamalı;
- Tələbənin təhsil haqqı borcu olmamalı;
- Tələbənin inzibati tənbehi olmamalı.
Tələb olunan sənədlər:
- Dekan tərəfindən imzalanmış və möhürlənmiş ümumi orta müvəffəqiyyət balı (ÜOMG) göstərilməklə transkript;
- Təhsil haqqı borcunun olmaması haqqında arayış;
- Tədris razılığı;
- Məlumat paketi (CV, pasport)
Mübadilədə iştirak xərclərini iştirakçı özü qarşılayacq.
Tələb olunan sənədlər 11 yanvar 2019-cu il tarixinədək UNEC-in Beynəlxalq əməkdaşlıq departamentinə (UNEC-in əsas tədris binası, İstiqlaliyyət küçəsi 6) təqdim edilməlidir.
Əlaqələndirici şəxs: Pərvin Paşayeva
Əlaqə: +994 12 492 60 45