A
Aprelin 14-də Azərbaycan Dövlət İqtisad Universitetinin Beynəlxalq əlaqələr və proqramlar üzrə prorektoru

dos. Şahin Bayramov

ABŞ-ın Pensilvaniya Dövlət Universitetində keçirilən tədbirdə Ali təhsildə multikulturalizm: yeni yanaşmalar” (Multiculturalism in higher education: new approaches) mövzusunda geniş təqdimatla çıxış edib. Tədbir ABŞ Dövlət Departamenti və Beynəlxalq Təhsil İnstitutu tərəfindən həyata keçirilən Hubert H. Humphrey proqramı çərçivəsində təşkil olunub.Ş.Bayramov qeyd olunan proqramın iştirakçısı olaraq hazırladığı tədqiqat layihəsi və layihənin nəzərdə tutulan əsas nəticələri barədə ətraflı məlumat verib. O, multikulturalizmin mahiyyəti və əsas komponentləri, multikultural təhsilə dair mövcud nəzəri-konseptual yanaşmalar və multikultural təhsilin məqsədləri barədə danışıb.Ş.Bayramov Azərbaycanda multikulturalizm ənənələrinin qədim tarixə malik olduğunu, bügünki Azərbaycan cəmiyyətinin əsl tolerantlıq nümunəsi kimi qəbul edildiyini və multikulturalizm sahəsində dövlətimiz tərəfindən məqsədyönlü tədbirlərin həyata keçirildiyini diqqətə çatdırıb. O, 2008-ci ildə “Bakı prosesi”nə start verildiyini, 2014-cü ildə Bakı Beynəlxalq Multikulturalizm Mərkəzinin yaradıldığını və ən əsası, ölkə başçısı tərəfindən 2016-cı ilin Azərbaycan Respublikasında “Multikulturalizm ili” elan olunduğunu xüsusi qeyd edib.Ölkəmizin beynəlxalq multikulturalizm hərəkatına əhəmiyyətli töhvələr verdiyini vurğulayan Ş.Bayramov cari ilin mart ayında “Çoxqütblü dünyaya doğru” mövzusunda keçirilmiş IV Qlobal Bakı Forumu, eləcə də yaxın günlərdə ölkəmizin ev sahibliyi edəcəyi BMT-nin Sivilizasiyalar Alyansının 7-ci Qlobal Forumu haqqında ətraflı məlumat verib.Ş.Bayramov cəmiyyət həyatının bütün sahələrində olduğu kimi ali təhsil sistemində də multikulturalizm dəyərlərinə xüsusi önəm verildiyini, əksər ali təhsil müəssisələrində “Multikulturalizm” fənninin tədris olunduğunu, Bakı Beynəlxalq Multikulturalizm Mərkəzi tərəfindən “Azərbaycan Multikulturalizmi” dərsliyinin hazırlandığını və dünyanın bir sıra ölkələrinin universitetlərində “Azərbaycan Multikulturalizmi” kursunun tədrisinin həyata keçirildiyini tədbir iştirakçılarının diqqətinə çatdırıb.Ş.Bayramov tədqiqat layihəsi çərçivəsində müvafiq məqalənin nəşrinin və tədqiqat nəticələrinə dair seminarın təşkilinin nəzərdə tutulduğunu bildirib. O, tədbir iştirakçılarının mövzu ilə bağlı suallarını cavablandırıb. 

London Universiteti/London İqtisadiyyat Məktəbi

TOP XƏBƏRLƏR