Mayın 25-də UNEC-in Beynəlxalq İqtisadiyyat Məktəbinin “ISE Economic Talks” layihəsinin növbəti müzakirəsi keçiriləcək.
UNEC-in iqtisadi platforması olan “ISE Economic Talks”da bu dəfə İqtisad Universitetində pedaqoji fəaliyyət göstərən tanınmış amerikalı iqtisadçı alim, professor Bülent Aybar çıxış edəcək. Amerikalı professor “Maliyyə böhranı və inkişaf etməkdə olan bazarlarda kapitalın strukturu” mövzusunu müzakirəyə çıxaracaq.
Müzakirə UNEC-in əsas tədris binasında yerləşən Maliyyə Laboratoriyasında (otaq 306), saat 13:00-da keçiriləcək. Müzakirəyə qatılmaq istəyənlər Facebook səhifəsində qeydiyyatdan keçə bilərlər.
Qeyd edək ki, bu müzakirə “ISE Economic Talks” layihəsinin 2016/17-ci tədris ili üçün sonuncu görüşüdür.
“ISE Economic Talks” barədə:
“ISE Economic Talks” layihəsinin məqsədi UNEC-in müəllim, tədqiqatçı və tələbələrini vahid iqtisadi platformada toplamaq və onların müzakirələrini təşkil etməkdir. Layihə çərçivəsində qlobal iqtisadiyyatın, eləcə də ölkənın ən aktual iqtisadi mövzu və problemləri müzakirə edilir. Eyni zamanda, dünya bestselleri olan iqtisadi kitabların “Müzakirə günü” təşkil olunur. Ayda iki dəfə təşkil olunan müzakirələrin mövzuları səsvermə yolu ilə seçilir. Təkliflərə əsasən, yeni müzakirə istiqamətləri müəyyənləşdirilir. Müzakirələr həmçinin UNEC-in virtual iqtisadi forumu Diskurs.az-da da yayımlanır. “ISE Economic Talks” layihəsinin rəhbəri UNEC-in
“Beynəlxalq İqtisadiyyat” kafedrasının müəllimi Təhmasib Əlizadədir.
![Tələbə və məzunların diqqətinə: "Trade Group LLC" şirkəti vakansiya elan edir!](/images/Trade-Group-LLC_201124.gif "Tələbə və məzunların diqqətinə: "Trade Group LLC" şirkəti vakansiya elan edir!")
