UNEC-in İqtisadiyyat və idarəetmə fakültəsinin Tələbə Elmi Cəmiyyətinin (TEC) təşkilatçılığı ilə "Layihələrin idarə olunması" adlı tədbir keçirilib.
Tədbirdə fakültənin dekan müavini dos. Rahim Mürsəlov çıxış edərək, bu cür tədbirlərin keçiriliməsinin əhəmiyyətindən danışıb.
Sonra tədbirin təlimçisi Vüsal Mahmudov tələbələrlə "Layihə nədir?", "Layihə necə təşkil edilir?", "Layihə necə yazılmalı?" və "Layihə necə idarə edilməli?" suallarına aydınlıq gətirib. V.Məmmədov layihələrin ideyasından, layihənin büdcəsinin hazırlanmasından, qarşıya qoyulan hədəflərdən, məhdudiyyətlərdən söz açıb.
Sonda təlimçi tərəfindən tələbələri maraqlandıran suallar cavablandırılıb.
