20 sentyabr – Dövlət Suverenliyi Günündə UNEC-in Ümumi fənlərin tədrisinin təşkili departamentinin təşkilatçılığı ilə departamentin müəllim heyəti 44 günlük Vətən müharibəsinin iştirakçısı, UNEC məzunu Ülvi Hacıyevin məzarını ziyarət ediblər. UNEC kollektivi şəhidin əziz xatirəsini ehtiramla yad edərək, məzarı önünə əklil qoyublar və gül dəstələri düzüblər.
Qeyd edək ki, Ülvi Hacıyev Füzuli istiqamətində qəhrəmanlıq göstərərək, Şəhidlik zirvəsinə ucalıb, dekabrın 6-da II Fəxri Xiyabanda dəfn olunub. Azərbaycan Prezidenti İlham Əliyevin Sərəncamına əsasən, ölümündən sonra "Vətən uğrunda", "Füzulinin azad olunmasına görə", "Xocavəndin azad olunmasına görə", "Cəbrayılın azad olunmasına görə" medalları ilə təltif olunub.
