UNEC İqtisadiyyat fakültəsi Mentorluq Xidmətinin təşkilatçılığı ilə “İqtisadiyyat” ixtisası üzrə I kursda təhsil alan tələbələrlə SABAH qruplarına qəbulla bağlı görüş keçirilib.
Görüşdə iştirak edən UNEC SABAH mərkəzinin direktoru dos. Aida Quliyeva tələbələrə qəbul qaydaları ilə bağlı tətbiq olunan yeniliklər barədə məlumat verib. Bildirib ki, SABAH qruplarına qəbulda Azərbaycan Respublikası Təhsil Nazirliyinin tabeliyində olan ali təhsil müəssisələrindən müəyyən edilmiş ixtisaslar üzrə I kursda əyani formada təhsil alan, I tədris ilinin I semestrinin nəticələrinə görə akademik borcu olmayan və orta müvəffəqiyyət göstəricisi (ÜOMG) 61-dən aşağı olmayan Azərbaycan Respublikası vətəndaşları iştirak edə bilərlər.
Fakültənin dekanı dos.Asiman Quliyev tələbələrə qəbul zamanı tələb olunan minimum şərtləri təmin etməyi, eləcə də ingilis dilində tədrisin tətbiq olunacağı SABAH qruplarına qoşulmağı tövsiyə edib.
UNEC Hazırlıq Mərkəzinin direktoru Rəşad Salahov tələbələrə imtahana hazırlıq mərhələsi ilə bağlı ətraflı
məlumat verdi.
Sonda tələbələrin sualları cavablandırıldı.
Müsabiqənin qəbul şərtləri ilə linkdə tanış olabilərsiniz.
