Xarici Tələbələr Assosiasiyasının Həştərxan filialının təşəbbüsü ilə Xəzəryanı ölkələrin təhsil təşkilatlarının nəzdindəki beynəlxalq gənclər və tələbə birliklərinin iştirakı ilə onlayn telekörpü təşkil olunub.
Tədbirdə UNEC Rus iqtisad məktəbinin tələbələrlə iş üzrə direktor müavini Anar Eyyubov və UNEC Beynəlxalq əməkdaşlıq departamentinin Xarici əlaqələr şöbəsinin müdiri Afət Ələkbərova iştirak edib.
A.Eyyubov əcnəbi tələbələrin universitetə cəlb edilməsinin və sayının artırılmasının UNEC-in əsas strateji hədəflərindən olduğunu bildirib. A. Ələkbərova isə UNEC-də əcnəbi tələbələrlə bağlı görülən işlər, əsas fəaliyyət istiqamətləri barədə təqdimat edib.
