UNEC kollektivi Vətən müharibəsində qəhrəmancasına şəhid olan məzun Eldar Əliyevin məzarını ziyarət ediblər, məzarı önünə gül dəstələri qoyublar.
Anım günündə şəhidin ailəsi ilə görüşən TUDİFAK-ın dekan müavini Cəvahir Məmmədova və tələbələr Eldar Əliyevin keçdiyi qəhrəmanlıq yolundan qürur duyduqlarını bildiriblər, onun əziz xatirəsini əbədi olaraq yaşadacaqlarını qeyd ediblər.
Eldar Quliyev 2020-ci il sentyabrın 27-də Vətən müharibəsi başlayanda könüllü olaraq cəbhəyə yollanıb. Füzuli, Hadrut və Cəbrayılın işğaldan azad olunması uğrunda gedən döyüşlərdə iştirak edib. Oktyabrın 13-də Füzuli rayonu uğrunda gedən döyüşlərdə qəhrəmancasına şəhid olub. 18 oktyabrda Bakı şəhərində, Əhmədli qəsəbəsi qəbristanlığında dəfn olunub. Ölümündən sonra "Vətən uğrunda" və “Xocavəndin azad olunmasına görə” medallarına layiq görülüb.
