Azərbaycan Respublikası Elm və Təhsil Nazirliyinin, “XXI Əsr Təhsil Mərkəzi” İctimai Birliyinin təşkilatçılığı ilə “Təhsilalanlar arasında ictimai fəallığın dəstəklənməsi” layihəsi çərçivəsində SƏS TV-də “Nəsillərin dialoqu” proqramına start verilib.
UNEC-in tələbə-rektoru Cabbar Cəlilov və tələbə Aysel Rzazadənin apardığı proqramın qonağı millət vəkili, Milli Məclisin elm və təhsil komitəsinin üzvü Ceyhun Məmmədov olub. Proqramda təhsil sahəsindəki problemlər və onların həlli yolları barədə müzakirələr aparılıb.
