UNEC-də Novruz bayramına həsr olunmuş təntənəli tədbir keçirilib.
Xalqımızın mənəvi dəyərlərini, adət-ənənələrini özündə yaşadan Novruz şənliyinin açılışında çıxış edən tələbələrlə iş üzrə prorektor dosent Səadət Qəndilova universitetin kollektivini bolluq-bərəkət rəmzi sayılan Novruz bayramı münasibətilə təbrik edərək, onlara xoş arzularını çatdırıb.
UNEC Həmkarlar İttifaqı Komitəsi, Tələbə Həmkarlar İttifaqı Komitəsi və Yaradıcılıq Mərkəzinin təşkilatçılığı ilə keçirilən bayram şənliyində tələbələrin Novruz atrubutlarına, adət-ənənələrinə həsr etdikləri rəsm əsərləri də nümayiş olunub.
Yaradıcılıq Mərkəzinin vokal, instrumental orkestr, rəqs dərnəklərinin üzvləri olan istedadlı tələbələr bayram əhval-ruhiyyəli musiqi nömrələri ilə iştirakçılara xoş anlar yaşadıb.
Novruz bayramının məşhur personajları olan kosa ilə keçəlin ifa etdikləri şeir, musiqi və bir-birindən maraqlı Novruz səhnəcikləri şənliyinə xüsusi rəng qatıb.
Tələbələr Novruzun rəmzi olan bayram tonqalının ətrafında “Yallı” gedərək, birlik nümayiş etdiriblər.
![UNEC tələbələri "Azərbaycan Doğma Diyar" adlı kitab və rəsm sərgisində](/images/sergi_180325.gif "UNEC tələbələri "Azərbaycan Doğma Diyar" adlı kitab və rəsm sərgisində")
![UNEC-in müəllimi "Global Teacher Award" mükafatına layiq görülüb](/images/Sevinj--Global-Teacher-Award-24-25_140325.gif "UNEC-in müəllimi "Global Teacher Award" mükafatına layiq görülüb")
!["QS STARS" audit nəticələrinə əsasən, UNEC 5 ulduza layiq görüldü!](/images/QS-STARS_190225.gif ""QS STARS" audit nəticələrinə əsasən, UNEC 5 ulduza layiq görüldü!")