Noyabrın 21-də Azərbaycan Dövlət İqtisad Universitetinin (UNEC) Beynəlxalq İqtisadiyyat Məktəbində növbəti açıq dərs keçirilib.
Xarici dillər kafedrasının müəllimi Aynur Mirzəyevanın tədris etdiyi ingilis dili dərsinin mövzusu “Medical English” olub. İnteraktiv metodlara əsaslanan dərsdə I kurs tələbələrinə xaricdə həkimə müraciət etmək qaydaları, simptompların təsviri, tibblə bağlı idiomlar barədə məlumat verilib. A.Mirzəyeva “role play” metodundan istifadə edərək, tələbələri “yerli həkim” və “əcnəbi xəstə” qrupuna bölüb. “Əcnəbi vətəndaş” “həkimlərə” ingilis dilində səhhətlərindəki narahatlıqları bildiriblər. A.Mirzəyeva bu metodun tələbələrin xarici dildən istifadə edərkən qarşılaşdıqları bəzi baryerlərin aradan qaldırılmasında kömək olacağını bildirib.
Qeyd: Noyabrın 7-dən Beynəlxalq İqtisadiyyat Məktəbində açıq dərslərə start verilib. Fakültə rəhbərliyi və müəllimlərin də iştirak etdiyi açıq dərslər davam edəcək.
!["Bu tarixi zəfər müasir Azərbaycan tarixinin ən parlaq səhifələrindən biridir"](/images/Avaz_Alekberov_modernaz_041124.gif ""Bu tarixi zəfər müasir Azərbaycan tarixinin ən parlaq səhifələrindən biridir"")
