UNEC Tədqiqat Mərkəzlərinin İşinin Əlaqələndirilməsi və Təşkili şöbəsi və UNEC Qarabağ İqtisadi Araşdırmalar Mərkəzi tərəfindən təşkil olunan “Şuşanın sosial-iqtisadi dirçəldilməsi – Azərbaycanın tərəqqisinin yeni zirvəsidir” adlı ümumrespublika elmi məqalə müsabiqəsinin qalibləri müəyyən edilib.
Qaliblər professor-müəllim heyəti və doktorant, magistr və tələbə heyətinin təqdim etdiyi məqalələr arasından komissiya tərəfindən qiymətləndirmə meyarları əsasında dəyərləndirilərək seçilmişdir.
Hər iki heyət üzrə ilk 10-luğa düşən məqalə müəlliflərinə sertifikatlar təqdim olunacaq və komissiya tərəfindən seçilən məqalələr toplu şəkildə elektron-kitab formatında hazırlanacaq.
Mükafat məbləği professor-müəllim heyəti üçün:
I yer - 500 AZN;
II yer – 300 AZN;
III yer – 200 AZN
Doktorant, magistr və tələbə heyəti üçün:
I yer - 300 AZN;
II yer - 200 AZN;
III yer - 100 AZN
Müsabiqənin nəticələri ilə tanış olmaq üçün SİYAHIYA keçid edə bilərsiniz.
Siyahıda verilən ardıcıllıq qalib müəlliflər üzrə deyil, əlifba sırası ilə, 10-luğa daxil olan məqalələr üzrə verilib.
Qaliblərin adları noyabr ayında UNEC Tədqiqat Mərkəzlərinin İşinin Əlaqələndirilməsi və Təşkili şöbəsi və UNEC Qarabağ İqtisadi Araşdırmalar Mərkəzi tərəfindən təşkil olunacaq tədbirdə açıqlanacaq.
