UNEC-də Tələbə-rektor və tələbə təşkilatlarına sədr seçkilərinə start verilir.
Seçkidə aşağıda qeyd olunan tələbə təşkilatları iştirak edəcək:
- Tələbə-rektor
- Tələbə Elmi Cəmiyyəti
- İqtisadçı Vətənpərvərlər Təşkilatı
- UNEC Könüllüləri Təşkilatı
- Rəqəmsal Könüllülər Təşkilatı
- UNEC Future Club
- Cross-Cultural Club (“Beynəlxalq mədəniyyət klubu”)
Müəyyən olunmuş tələblərə cavab verən tələbələr 26 aprel - 06 may tarixləri arasında namizədlik üçün elektron qeydiyyatdan keçməlidirlər.
Qeydiyyatdan keçmiş namizədlər bacarıqlarının qiymətləndirilməsi məqsədilə 8 may – 10 may tarixlərində ”Gənc İdarəçilər” imtahan-müsabiqəsində iştirak edəcəklər.
İmtahandan uğurla keçən namizədlərin 13 may – 23 may tarixlərində təbliğat-təşviqat kampaniyası keçiriləcək. Təbliğat kampaniyası üçün UNEC Radio, rəsmi sosial şəbəkələr və UNEC-in tədris binalarında yerləşən elan lövhələri açıq elan olunacaq.
Seçkilər 24 may, saat 08:00-18:00-dək tələbələrin şəxsi kabinetlərində onlayn səsvermə ilə təşkil olunacaq. Səsvermə prosesi UNEC-in rəsmi Youtube kanalında canlı yayımlanacaq.
Əlavə məlumat üçün: +994 50 858 03 37
