Oktyabrın 6-da II Qarabağ müharibəsində döyüşərək şəhidlik zirvəsinə ucalmış, Azərbaycan Dövlət İqtisad Universitetinin (UNEC) məzunu İsax Verdiyevin anım günü idi.
Anım günü münasibətilə UNEC Tələbə Həmkarlar İttifaqı Komitəsinin sədri İlkan Əliyev və tələbələr şəhidin ailə üzvləri ilə birlikdə Sumqayit Şəhidlər Xiyabanında İsax Verdiyevin məzarını ziyarət eidblər. UNEC kollektivi şəhidin əziz xatirəsini ehtiramla yad edərək, məzarı önünə gül dəstələri qoyublar.
Azərbaycan Ordusunun əsgəri olan İsax Verdiyev 2020-ci il sentyabrın 27-də Azərbaycanın ərazi bütövlüyünün bərpa olunması üçün başlanan Vətən müharibəsi zamanı könüllü olaraq, Füzulinin azadlığı uğrunda gedən döyüşlərdə vuruşub. Oktyabrın 5-də Füzuli rayon istiqamətində düşmən üzərinə hücuma keçərkən şəhidlik zirvəsinə ucalıb.
Ölümündən sonra “Vətən uğrunda”, “Füzulinin azad olunmasına görə” medalları ilə təltif edilib.
