Azərbaycan Dövlət İqtisad Universitetinin UNEC İnnovativ Gənclər Təşkilatının yenilənmiş veb-saytı istifadəçilərə təqdim edilib.
Təşkilatın fəaliyyəti ilə bağlı bütün məlumatları bir məkanda cəmləşdirən veb-sayt gənclərə daha rahat və əlçatan informasiya əldə etməyə imkan yaradır.
İstifadəçilər burada təşkilatın strukturu, üzvləri, həyata keçirdiyi fəaliyyətlər, gələcək tədbirlər və layihələr barədə ətraflı məlumat əldə edə bilərlər.
Yenilənmiş platformanın əsas üstünlükləri:
- Məlumatların müasir təqdimatı: İstifadəçilər sadə interfeys vasitəsilə axtardıqları məlumatları tez və asanlıqla əldə edəcəklər.
- Dinamik məzmun: Veb-sayt müntəzəm olaraq yenilənir və ən son məlumatları təqdim edir.
- İnteraktivlik: Üzvlər və istifadəçilər təşkilatın fəaliyyətlərinə dair öz rəylərini və təkliflərini rahatlıqla paylaşa biləcəklər.
- Tədbir təqvimi: Keçiriləcək tədbirlər barədə ətraflı məlumat və qeydiyyat imkanları təqdim olunur.
- Təşkilata üzvlük: Artıq təşkilata üzv olmaq üçün sadəcə elektron formu doldurmağınız kifayətdir.
- Yaxın zamanlarda təşkilat üzvləri üçün elektron kabinet sistemi və bonus sisteminin tətbiqi nəzərdə tutulub. Belə ki, təşkilat üzvlərinə təqdim ediləcək üzvlük kartı vasitəsilə tələbələr müxtəlif yerlərdən bonuslar və endirimlər əldə edə biləcək.
