AzTV-nin “Mədəniyyət” kanalının “Başqa söhbət” proqramında 4-cü Sənaye İnqilabının ölkənin sosial-iqtisadi inkişafına müsbət təsiləri barədə müzakirələr aparılıb.
UNEC rektoru professor Ədalət Muradov proqramda 4-cü Sənaye İnqilabının əsas komponentləri, əmək bazarında və biznes mühitində yaratdığı yeni imkanlar və çətinliklər, müasir dünyanın iqtisadi və sosial strukturunda etdiyi dəyişikliklər, biznes mühitində rəqabətqabiliyyətliliyə təsiri, yeni istedad və bacarıqların önə çıxarılmasındakı rolu barədə fikirlərini bölüşüb.
Eləcə də 4-cü Sənaye İnqilabının iqtisadi və sosial proseslərdə yaratdığı müsbət dəyişikliklər, süni intellekt, genlərin modifikasiyası, bulud texnologiyalarının tətbiqi, urbanizasiyaya təsiri, sənaye prosesinin optimallaşdırılması, texnologiyaların və avtomatlaşdırmanın iş mühitinə inteqrasiyası, sürətlə dəyişən dünyada yeni texnoloji bilik və bacarığa malik olan mütəxəssislərin yetişdirilməsi ilə bağlı maraqlı açıqlamalar verib.
