UNEC Könüllüləri Təşkilatı "Bakını kəşf edək" adlı layihəyə start verdi.
Tələbə-könüllülər təşkilatının sədri İlham Əmrahov və təşkilatın üzvləri layihənin ilk günündə Balaxanı kəndində olublar. Tələbələr Balaxanı kəndinə ekskursiya edərək, kəndin görməli yerləri, tarixi abidələri haqqında məlumatlar əldə ediblər.
Layihənin məqsədi tələbə-könüllülərin asudə vaxtının səmərəli təşkil olunması və dünyagörüşünün formalaşmasına dəstək olmaqdır. Layihə çərçivəsində Bakının müxtəlif ərazilərinə ekskursiyalar nəzərdə tutulub.
