UNEC-də I Beynəlxalq Simpozium keçiriləcək

UNEC Xanım Tədqiqatçılar Şurası tərəfindən 5 mart 2026-cı il tarixində saat 09:00-da Birinci Beynəlxalq Simpozium – WRCIS 2026 keçiriləcək. Tədbir UNEC-də baş tutacaqdır.

Yaz simpoziumu 8 Mart – Beynəlxalq Qadınlar Gününə həsr olunaraq “Qadınların Dayanıqlı İqtisadi və Sosial-İqtisadi İnkişafda Rolu” mövzusuna həsr ediləcəkdir.

Simpozium çərçivəsində bir sıra mühüm təqdimatlar nəzərdə tutulmuşdur. Belə ki, “International Journal of Gender, Knowledge, and Social Features” jurnalının ilk buraxılışının rəsmi təqdimatı baş tutacaq. Bununla yanaşı, Azərbaycanda qadın sahibkarlığına həsr olunmuş ilk kitab – “Odlar Yurdu”nun Yeddi Portreti – Azərbaycanda Qadın Sahibkarlığı: Əmək, Dəyər və Dünyanın Yenidən Düşünülməsi” adlı nəşr də ictimaiyyətə təqdim olunacaqdır.

WRCIS 2026 qadınların elmdə, iqtisadiyyatda və cəmiyyət həyatında artan rolunun vurğulanması, onların nailiyyətlərinin təşviqi və beynəlxalq əməkdaşlığın genişləndirilməsi baxımından əhəmiyyətli platforma olacaqdır. Simpoziumda yerli və xarici tədqiqatçıların, akademik heyətin və ekspertlərin iştirakı gözlənilir.