“II ixtisas qrupu üzrə abituriyentlərin seçməli olduğu ilk universitetin UNEC olduğunu hər kəs təsdiq edir”.
AzEdu.az xəbər verir ki, bu sözləri şəxsi facebook səhifəsində təhsil eksperti Kamran Əsədov yazıb.
O, ixtisas seçiminin son günündə proses haqqında fikirlərini bildirib:
“Ali təhsil müəssisələrinə ixtisas seçimi başa çatır. Bu çətin mərhələdə iyul ayının 20-dən abituriyentlərə topladıqları ballara uyğun olaraq ixtisas seçimi ilə bağlı tövsiyələr verməyə başladıq.
Böyük komanda tərəfindən bu sahədə aparılan araşdırmalar müraciət edənlərə doğru seçimdə kömək oldu”.
Kamran Əsədov sözlərində abituriyentlərin ən çox seçdiyi universitetin UNEC olduğunu qeyd edib:
“Xüsusi ilə ixtisas seçimi zamanı II qrup üzrə yüksək bal toplayan abituriyentlər diqqətimi çəkdi.
Onlar birmənalı olaraq seçimdə İqtisad Universitetinə - UNEC - ə üstünlük veriblər. Hətta bu ixtisas qrupu üzrə 100-dən çox abituriyent elektron ərizəsində 15 ixtisas yerini yalnız UNEC-in ixtisaslarını yazıb.
Bu son illərdə həmin universitetdə həyata keçirilən islahatların, görülən işlərin, rektorun əlçatan olmasının, təhsilin keyfiyyətinin yüksəldilməsinin nəticəsidir.
Artıq ixtisas seçiminin başa çatmasına bir gün qalıb. Ümid edirəm ki, qalan gün ərzində də elekton ərizəsini təsdiq etməyənlər seçimdə UNEC-i qeyd edəcəklər.
Ümumiyyətlə II ixtisas qrupu üzrə abituriyentlərin seçməli oldulu ilk universitetin UNEC olduğunu hər kəs təsdiq edir”.
Şükufə Süleymanlı
