UNEC-də EY-TED-Talks tədbiri keçirilib

UNEC Karyera Mərkəzinin və EY şirkətinin birgə təşkilatçılığı ilə tələbələrlə görüş keçirilib.

Görüşdə “EOY 2025- Women-Led Entrepreneurial Excellence” nominasiyasının qalibi Səbinə Qazızadə Azərbaycanın ilk daşınmaz əmlak inkişafı üzrə konsaltinq şirkətinin təsisçisi kimi öz karyera səyahətini, ticarət mərkəzlərinin inkişafı və uğur strategiyalarına dair fikirlərini tələbələrlə bölüşüb.

Tədbir çərçivəsində tələbələrin aktiv iştirakı təmin olunmuş və onların mövzu ilə bağlı sualları ətraflı şəkildə cavablandırılıb.

Sonda S.Qazızadə tələbələrə hədiyyələr təqdim edərək, onları gələcəkdə bu sahədə uğurlu karyera qurmaq üçün daim öyrənməyə və yeniliklərə açıq olmağa çağırıb.