UNEC Tələbə Həmkarlar İttifaqı Komitəsinin fəal tələbələrindən ibarət “Abituriyentlərin Sənəd Qəbuluna Dəstək Mərkəzi”nin könüllüləri 28 avqust-10 sentyabr tarixlərində keçirilən qeydiyyat prosesi çərçivəsində abituriyentlərə aktiv dəstək göstəriblər.
İki həftə davam edən proses zamanı mərkəzə 3286 onlayn və 1054 əyani müraciət daxil olub və hər biri uğurla cavablandırılıb. Könüllülər UNEC-i seçən gənclərə sənəd qəbulu ilə bağlı kömək edib, onları maraqlandıran sualları operativ şəkildə cavablandırıblar.
UNEC rəhbərliyi bütün könüllülərə göstərdikləri səmərəli fəaliyyətə görə təşəkkürünü bildirir, qeydiyyat mərhələsini uğurla başa vuran abituriyentləri isə təbrik edərək onlara gələcək təhsil həyatında uğurlar arzulayır.
![İndoneziyalı tələbə: "UNEC-dəki mühit beynəlxalq tələbələr üçün unikal təcrübədir”](/images/ecnebi_190925.jpg "İndoneziyalı tələbə: "UNEC-dəki mühit beynəlxalq tələbələr üçün unikal təcrübədir”")
