Rusiya Federasiyasının Tümen Dövlət Universiteti (TDU) və Azərbaycan Dövlət İqtisad Universiteti (UNEC) arasında yeni əməkdaşlıq müqaviləsi imzalanıb.
Tümen Dövlət Universitetinin Beynəlxalq Sahibkarlıq Məktəbinin direktoru professor Eduard Omarovla UNEC-in Tədris üzrə prorektoru dosent Gəray Musayev arasında imzalanan memorandumda birgə elmi-tədqiqatların aparılması, birgə təhsil proqramlarının təşkil edilməsi, tələbələ-müəllim mübadiləsi və birgə nəşrlərin çap olunması nəzərdə tutulub.
