Fransanın Montpellier Universiteti ilə ikili diplom proqramına qəbul başladı

2022/2023-ci tədris ili üzrə UNEC-in Dünya İqisadiyyatı, Maliyyə, Mühasibat, İqtisadiyyat və Biznesin idarəolunması ixtisasları üzrə 2-ci kurs tələbələri üçün Fransanın Montpellier Universitetinin ikili diplom proqramına qeydiyyat başlayıb.

1-ci kurs tələbələri də 2023/2024-cü tədris ili üçün qeydiyyatdan keçə bilərlər.

Proqrama qəbul olan UNEC tələbələri 3-cü kurs təhsillərini Montpellier Universitetində davam etdirəcəklər. Bu zaman Fransada oxuduqları müddətdə tələbələrimizə Montpellier Universitetinin tələbə kartları veriləcək. Kursun sonunda tələb olunan kreditləri qazanan tələbələr UNEC-ə qayıdaraq, təhsillərini 4-cü kursdan davam edəcəklər.

Əsas qəbul şərtləri:

• UNEC-in ikinci kurs tələbəsi olmaq
• Minimum orta bal (ÜÖMG) – 81 bal
• İngilis dili – B2

Tərəfdaş universitet - Montpellier Universiteti
Müddət - 1 il
Tədris dili - İnglis dili
Təhsil haqqı – 2250 avro
Qeydiyyat haqqı – yoxdu

Tədrisin başlanması - 2022-ci il, sentyabr
Tədrisin bitməsi – 2023-ci il, aprel

Son müraciət tarixi - 07 fevral 2022-ci il

Sənədlər bir fayl şəklində (pdf formatinda) aşağıdakı ardıcılıqla təqdim olunmalıdır:

1. Akademik transcript (azərbaycan dilində)
2. CV (ingilis dilində)
3. Pasport (şəkil olan səhifəsi, yoxdursa vəsiqə və ya tələbə kartı)

Məlumat əldə etmək və sənədləri təqdim etmək üçün:

Afət Ələkbərova
UNEC, Beynəlxalq Əməkdaşlıq  Departmenti
E-mail: Bu email ünvanı spambotlardan qorunur. Onu görmək üçün JavaScripti qoşmaq lazımdır.