Maliyyə və mühasibat fakültəsi orta məktəblərdə təbliğat işini davam etdirir

Azərbaycan Dövlət İqtisad Universitetinin (UNEC) “Maliyyə və audit” kafedrasının dosenti Flora Kaşıyeva Bakı Slavyan Universitetinin Məktəb Lisey Kompleksinin və Bakı şəhəri 13, 60, 167 və 245 nömrəli tam orta məktəblərin yuxarı sinif şagirdləri ilə görüşüb.

UNEC-i abituriyentlərə yaxından tanıtmaq məqsədilə təşkil olunan görüşlərdə məktəblilərə universitetin fakültələri, ixtisaslar, əyani və qiyabi təhsil, filiallar, elektron universitet modeli, ikili diplom və mübadilə proqramları, xüsusi təqaüdlər və s. barədə geniş məlumat verilib.

Məktəblilər “UNEC-də bir gün” layihəsində iştirak etməyə dəvət olunublar.

Sonda şagirdləri maraqlandıran suallar cavablandırılıb.