UNEC-də kitab müzakirəsi: “Azərbaycan

UNEC-də professor Maarifə Hacıyevanın “Azərbaycan – Türkiyə” adlı kitabının müzakirəsi keçirilib.

“Kitab müzakirələri” layihəsi çərçivəsində keçirilən tədbirÜmumi Fənlərin Tədrisinin Təşkili Departamentinin və “Azərbaycan dili” kafedrasının təşkilatçılığı ilə baş tutub.

Tədbirdədepartament direktoru dos.Gülnarə Rzayeva və kafedra müdiri professor Tofiq Əbdülhəsənli çıxış edərək, kitab müzakirələrinin keçirilməsinin əhəmiyyəttindən danışıblar. Müzakirə olunan “Azərbaycan - Türkiyə” kitabında Maarifə xanımın uzun illər ərzində yazıb-yaradaraq, müxtəlif jurnal və qəzetlərdə dərc olunmuş məqalələrinin toplandığını bildiriblər.

Sonra prof.Maarifə Hacıyeva müəllifi olduğu kitab haqqında məlumat verərək, burada Türkiyə tarixində önəmli rol oynamış Fateh Sultan Mehmet, Mustafa Kamal Atatürk, Nuri Paşa, Ənvər Paşa kimi tarixi şəxsiyyətlərdən bəhs olunduğunu deyib.

Müzakirələrdə çıxış edən dos.V.Allahverdiyeva, dos.M.Əmrahova kitabda publisistikaya, resenziyalara, həmçinin xatirələrə geniş yer verildiyini, eyni zamanda Xocalı soyqırımı, Qarabağın işğalı, erməni vəhşiliyi kimi məsələlərin, müstəqillik mübarizəmizin təqdim olunduğunu bidiriblər. Müasir türk şairlərinin şeirlərinin, oğuznamələrin, həmçinin Dədə Qorqud boylarının yer aldığını diqqətə çatdırıblar.

Tədbir tələbələrin çıxışları ilə davam edib.