A

Azərbaycan Dövlət İqtisad Universiteti (UNEC) “Oikos” beynəlxalq təşkilatının İsveçrədə keçirilən “FutureLab 2016” konfransında təmsil olunub.

Beynəlxalq konfransın məqsədi dünyanın ən savadlı tələbələri ilə dayanıqlı iqtisadiyyat, bərpa olunan enerji və menecment mövzularında innovativ həllər və ideyalar tapmaqdır. Dünyada tələbələr arasında “Dayanıqlı inkişaf” mövzusunda təşkil olunan ən böyük platforma olan “Oikos FutureLab 2016”-da 50-dən çox ölkədən 100-dən artıq tələbə iştirak edib.

“Oikos Baku”nun üzvüləri inglis dilində hazırladıqları UNEC-in tanıtım videoçarxını nümayiş etdiriblər. UNEC-in innovativ infrastrukturu və tələbələr üçün yaradılan imkanları əks etdirilən videoçarxda “Oikos Baku”nun prezidenti, Maliyyə və Mühasibat fakültəsinin IV kurs tələbəsi Hüseyn Hümbətov, Beynəlxalq İqtisadiyyat Məktəbinin II kurs tələbələri Nurlan Cahangirli və Fidan Abdullayeva ali təhsil ocağı haqqında məlumat verib, İnnovativ Biznes İnkubator, Maliyyə laboratoriyası, Virtual müəssisə üzrə tanıtım ediblər.

Videoçarx konfrans iştirakçılarının marağına səbəb olub.

Qeyd:

 

“Oikos” beynəlxalq təşkilatının Bakı nümayəndəliyi 2013-cü ildən fəaliyyət göstərir və 2014-cü ildən fəaliyyətini UNEC-də davam etdirir. Təşkilatın əsas məqsədi iqtisadiyyat və menecment-də dayanıqlığın təşviqidir. Təşkilat universitetdə dayanıqlı iqtisadiyyat, sosial biznes akademiya kimi mövzularda layihə və təlimlər həyata keçirir.

*

London Universiteti/London İqtisadiyyat Məktəbi

TOP XƏBƏRLƏR