Azərbaycan Dövlət İqtisad Universitetinin UNEC Dizayn Məktəbində Xocalı soyqırımının 32-ci ildönümünə həsr olunmuş tədbir keçirilib.
Tədbiri giriş sözü ilə açan fakültə dekanı dosent Lalə Məmmədova bəşəriyyət tarixinin insanlıq əleyhinə yönəlmiş ən dəhşətli cinayətlərindən biri, Ermənistanın azərbaycanlılara qarşı həyata keçirdiyi etnik zəmində soyqırımı siyasətini sübut edən Xocalı soyqırımı haqqında məlumat verib. O, xocalıların ermənilər tərəfindən vəhşicəsinə qətlə yetirilməsindən, Xocalı uğrunda döyüşən igid oğulların qəhrəmanlığından danışıb.
Dizayn kafedrasının müdiri dosent Elfanə Qasımova Ali Baş Komandan İlham Əliyevin uğurlu siyasəti və Müzəffər Ordumuzun əzmi nəticəsində 44 günlük Vətən Müharibəsinin Azərbaycanın tam qələbəsi ilə başa çatmasından, 30 ildən sonra işğal altında qalmış torpaqlarımızın azadlığına nail olan xalqımızın illər ərzində mübarizə əzminin qırılmadığından bəhs edib.
Sonda Xocalı soyqırımının 32-ci ildönümünə həsr olunmuş videoçarx nümayiş olunub.
!["Sosial mediada şəxsi brendinqin formalaşdırılması" adlı təlim keçirilib](/images/esas_TEC.jpg ""Sosial mediada şəxsi brendinqin formalaşdırılması" adlı təlim keçirilib")
![Yeni layihə: "UNEC alimlərindən kitab tövsiyələri"](/images/44.jpg "Yeni layihə: "UNEC alimlərindən kitab tövsiyələri"")
