UNEC Startap İnkubatorun təşkil etdiyi BootSTART proqramının “Pitch day” adlı təqdimatı keçirilib.
Tədbirdə UNEC-in müəllim və tələbələri ilə yanaşı, İnnovasiya və Rəqəmsal İnkişaf Agentliyi, Coders Academy, eləcə də bu sahə üzrə digər təşkilatların nümayəndələri də iştirak ediblər.
Tədbirin açılışında rəqəmsallaşma üzrə prorektor Raqif Qasımov və UNEC Startup İnkubatorun rəhbəri Mübariz Şahbazlı təqdim olunan startaplar barədə məlumat veriblər, komandalara uğurlar arzulayıblar.
Sonra 6 həftəlik intensiv proqramda iştirak etmiş 15 komanda öz startap ideyaları ilə çıxış edib. İştirakçıların maraqla dinlədikləri təqdimatlardan sonra startapların dəyərləndirilməsi keçirilib.
Münsiflər heyətinin dəyərləndirməsinə əsasən, 6 komanda -“Eddy”, “Taky”, “Probiont”, “HIRPO”, “4You”, “FeedHub” finala vəsiqə qazanıb.
Qalib komandaları təbrik edirik, uğurlar arzulayırıq!
