Abituriyentlərin sevimli layihəsi olan “UNEC-də bir gün” davam edir.
Layihə çərçivəsində 74 və 87 saylı orta məktəbin 11-ci sinif şagirdləri UNEC-də olublar.
II ixtisas qrupları üzrə hazırlaşan abituriyentlərə UNEC-də bu istiqamət üzrə mövcud olan fakültə və ixtisaslar, ikili diplom, mübadilə, UDİD, minor, xüsusi təqaüd proqramları barədə ətraflı məlumat verilib. Sonra abituriyentlər üçün UNEC-də infotur təşkil olunub.
Onlar oxu zalı, 24/7 kitabxana, müasir texniki avadanlıqlarla təchiz olunmuş auditoriyalar, akt zalları, tələbə yeməkxanası ilə tanış olublar.
“UNEC-də bir gün” layihəsində iştirak etmək istəyənlər 492-60-43 telefon nömrəsinə zəng edə, yaxud UNEC-in rəsmi Facebook səhifəsi ilə əlaqə saxlaya bilərlər.
